Чыныгы мугалим кандай болуу керек?

Чыныгы мугалим бул баланы чындап сүйгөн инсан.Өз ишин башка нерседен жогору коюп,өз баласынан да өзгө адамдын баласын билимдүү кылууга күч аракетин жумшаган момун инсан.

• Мугалим ар тараптан өнүккөн, жасалмалуулугу жок, гумандуу, жаңычыл жана артисттик чеберчиликке ээ инсан болууга тийиш. Андан балдар бүтүндүктүн, гармониянын, жан дүйнө байлыгынын молдугун, мээримдин, сүйүүнүн, боорукерликтин, улуулуктун, жаштыгын сактоочунун жана асыл инсандык касиеттердин үлгүсүн көргүлөрү келет.
• Мугалимдин сөзү шыктандыруучу күчкө ээ болуп, сөзү менен ишинин биримдиги айкалышып турса, балдар анын сөзүнөн акылынын тунуктугун, дилинин актыгын, оюнун тазалыгын, пейилинин жумшактыгын, сылыктыгын, жөнөкөйлүгүн, рухий байлыгынын молдугун көрүп турса, калп айтпаса.