ТуркменистанАваза

,,Awaza” milli syýahatçylyk zolagyna degişli meseleler(4-5-nji synplar).

TÜRKMENISTANYŇ PREZIDENTI GURBANGULY BERDIMUHAMEDOW : - ,,Awaza” milli syýahatçylyk zolagyndaky ägirt uly taslamalaryň amala aşyrylmagy Hazar deňziniň kenarynda syýahatçylygy ösdürmäge ýardam berer.

Yklymlara howa ýollarynda möhüm üstaşyr nokat we şonuň bilen birlikde ,,Awaza “ milli syýahatçylyk zolagynyň howa derwezesi bolan täze aeroport bir sagatda uçarlaryň 6-syny we ýolagçylaryň 800-sini ugradyp-kabul edip bilýär. Uzynlygy 3,5 kilometr we ini 60 metr bolan uçuş- gonuş zolagy ýük göterijiligi 400 tonna çenli bolan uçarlara hyzmat etmäge mümkinçilik berer.

1-nji mesele .,,Awaza’’milli syýahatcylyk zolagynyň howa derwezesi bolan täze aeroport bir sagatda uçarlaryň 6-syny we ýolagçylaryň 800-sini ugradyp-kabul edip bilýär.Aeroport ýolagçylaryň 2400-sini, uçarlaryň 18-sini näçe sagatda ugradyp-kabul edip biler?

2-nji mesele . Uzynlygy 3,5 kilometr we ini 60 metr bolan uçuş- gonuş zolagynyň meýdanyny tapyň.

Awazada iri desgalaryň biri bolan gämi gatnawly emeli derýanyň uzynlygy 7 kilometre, ortaça ini 50 metre , çuňlugy 5 metre barabardyr. 3-nji mesele .Emeli derýanyň ininiň çuňlugyna bolan gatnaşygynyň 10-a deňdigi , ininiň çuňlugyndan 45 metr uludygy belli bolsa, emeli derýanyň inini we çuňlugyny tapyň.

,,Awaza’’milli syýahatcylyk zolagynda,,Arzuw “ sagaldyş we dynç alyş merkezi 900 orunlykdyr. Ol bir wagtyň özünde çagalaryň 600-sini hem-de uly ýaşlylaryň 300-sini kabul edip bilýär . 250 orunlyk amfiteatr, 165 orunlyk mejlisler zaly dynç alýanlaryň ýgtyýaryna berlendir. 4-nji mesele . ,,Arzuw “ sagaldyş we dynç alyş merkezi uly ýaşlylaryň we çagalaryň 900-sini kabul edipdir. Eger kabul edilen çagalaryň sany uly ýaşlylaryň sanyndan iki esse köp bolsa, merkez çagalaryň näçesini kabul edipdir?